Непрописно го паркирал Поршето, па полицијата му го разнесе со бомба

Иако лошо се паркирал, возачот на интернет добил поддршка, а еден човек напишал дека полицајците му го разнеле автомобилот бидејќи биле „љубоморни“.

img

Луксузното изнајмено „Порше“ било разнесено откако по грешка било означено како закана, а овој необичен инцидент се случил во прометниот дел на Париз, во близина на Сенатот.

Возачот на автомобил од марката „Порше Карера“ непрописно го паркирал возилото и тоа била причината поради која возилото било означено како закана. Човекот под псевдоним Оливер признал дека погрешно се паркирал, но планира да бара надомест на штета.

Иако лошо се паркирал, на интернет Оливер добил поддршка, па така еден човек напишал дека полицијците му го разнеле автомобилот бидејќи биле „љубоморни“, додека друг човек иронично напишал дека е „добро познато дека терористите се ’шират’ во Поршеа”.

Една година по терористичките напади во Париз, во Франција и понатаму владее вонредна состојба и така ќе остане до јануари 2017 година.

Објавено вторник, 29 ноември 2016 09:43:00



Барај

 

Последни вести