Џејсон Гринблат е назначен за специјален претставник во меѓународните преговори на Трамп

Џејсон Гринблат, еден од главните советници на новоизбраниот американски претседател, Доналд Трамп, ќе стане негов специјален претставник во меѓународните преговори, пренесоа американските медиуми.

img

Веста ја соопшти екипата на Трамп за транзиција на власта.

Гринблат веќе две децении работи за трговската организација на Трамп. Во моментов тој е нејзин извршен потпретседател и главен правен советник.

Гринблат „одамна договара важни и сложени зделки во мое име. Тој може да собере многу луѓе на едно место и да постигне консензус за тешки и деликатни прашања“, наведе Трамп во соопштението.

Според Си-Ен-Ен, Гринблат ќе се концентрира врз израелско-палестинскиот конфликт, односите со Куба и трговските спогодби на САД со други земји, јавуваат француските медиуми.

Објавено вторник, 27 декември 2016 09:13:00



Барај

 

Последни вести