![](https://www.a1.mk/documents/20126/3235203/Netflix.jpg/25dde3b0-330a-36ee-427c-ef7202a967ef?t=1711969021658)
А1 Македонија е првиот телеком на домашниот пазар што нуди Netflix, водечка светска стриминг-услуга
Како дел од стратегиското партнерство на Групацијата А1 Телеком Австрија со Netflix, А1 Македонија станува првата телекомуникациска компанија на домашниот пазар што ја нуди оваа водечка стриминг-услуга за своите корисници. По тој повод, како дел од специјалната понуда, А1 Македонија го подарува Netflix Basic дo 12 месеци на сите корисници ќе склучат нов договор или ќе го обноват својот A1 Combo договор.
Сите Netflix корисници може да ги гледаат содржините на паметни телевизори, мобилни телефони, таблет, стриминг-уреди или конзоли за гејминг што се поврзуваат со интернет и нудат Netflix апликација или преку netflix.com. Оваа стриминг-платформа нуди голем број серии и филмови за сечиј вкус, меѓу кои и најгледаните фаворити „Stranger Things“, „Rebel Moon“, „The Witcher“, „Leo“, „Black Mirror“ или „Leave the World Behind“.
„Со големо задоволство денеска го најавуваме вклучувањето на Netflix во нашата понуда што претставува уште еден иновативен чекор на А1 Македонија кон обезбедување премиум содржини и супериорно корисничко искуство. Со понудата за пристап до оваа популарна услуга, на нашите корисници им го носиме најдоброто од забавата од удобноста на нивниот дом на супериорна оптичка мрежа. Со постојано збогатување на нашето портфолио на услуги, се стремиме да ги надминеме стандардните телеком понуди, нудејќи премиум услуга што е уште подобро приспособена на потребите и на желбите на корисниците“, изјави Методија Мирчев, извршен директор во А1 Македонија.
Подетално, корисниците што ќе склучат нов или ќе го обноват својот A1 Combo договор со вклучена интернет-тарифа А1 Net L и минимум една мобилна линија, добиваат подарок 12 месеци Netflix Basic, додека за A1 Combo M пакет со вклучена A1 Net M тарифа и барем една мобилна линија, корисниците добиваат подарок 6 месеци Netflix Basic. По овој период, корисниците можат да продолжат да користат Netflix преку А1, а регуларната претплата за Netflix планот ќе биде додадена во месечната сметка за А1 Combo.
Покрај оваа A1 Combo понуда, услугата Netflix преку А1 можат да ја активираат сите постпејд и фиксни корисници на А1. Netflix Premium планот е достапен за 615 денари месечно, Netflix Standard за 492 денари месечно, додека Netflix Basic планот е достапен со цена од 307 денари месечно.
Корисниците на А1 можат да активираат Netflix и да управуваат со услугата преку апликацијата Мојот А1. Оние што веќе имаат корисничка сметка на Netflix, можат да ја префрлат преку А1 без да креираат нова.
Со збогатувањето на продуктното портфолио со содржините на светски познатата стриминг-платформа, А1 Македонија ја докажува својата посветеност во креирање понуди за супериорно корисничко искуство и ја потврдува својата позиција на пазарот како компанија што носи иновативни дигитални решенија, кои нудат уште повеќе вредност за сите.
НазадСлични содржини
Известување
Ве известуваме дека на 30.07.2024 г. дојде до неочекуван прекин/деградација на услугите во реонот на Битола. Имаше времен прекин на услугите за телевизија и интернет на Docsis технологија...
Дознај повеќе„A1 Academy“ го отвора пријавувањето за модулот Бизнис-аналитика
А1 Македонија најавува нов повик за бесплатната Академија за дигитални вештини „A1 Academy“ и од денеска до 3.4.2024 г. ја отвора можноста за пријавување на модулот – Бизнис-аналитика...
Дознај повеќе