A1 Menaxhimi

Metodija Mirçev e filloi karrierën e tij në industrinë FMCG në Poloni, duke mbajtur poste drejtuese në disa kompani ndërkombëtare. Para se të kalonte në industrinë e telekomit, ai mbante një pozicion ekzekutiv në Loreal, në Poloni.

Në vitin 2005, ai u emërua shef i shitjeve në Kosmofon, ndërkaq dy vjet më vonë ai u bë drejtor kryesor komercial. Në vitin 2011 ai u emërua drejtor i shitjeve dhe marketingut në One, ndërsa në vitin 2013 u promovua në anëtar ekzekutiv i Bordit të Drejtorëve si drejtor kryesor operativ.

Metodija është magjistruar në Fakultetin e Teknologjisë në Varshavë, ndërkaq ka diploma MBA nga disa shkolla prestigjioze të biznesit si : London Business School, HEC Paris dhe NHH Norway.

Në pozitën e drejtorit ekzekutiv të A1 Maqedonia është emëruar në janar të vitit 2020, ndërsa në prill të vitit 2024 është avancuar në pozitën e drejtorit të përgjithshëm ekzekutiv.

Goran Angjeleski e filloi karrierën e tij të suksesshme në Telekomin e Maqedonisë në vitin 2006. Një vit më vonë ai u bë pjesë e ekipit të A1 Maqedonia, gjegjësisht operatorit të atëhershëm VIP. Ai e ndërtoi shpejt karrierën e tij në kompani, përmes disa pozitave drejtuese në sektorin financiar, por edhe si anëtar i ekipit kyç për blerjen dhe integrimin e operatorit të tretë celular dhe disa operatorëve kabllorë në tregun e Maqedonisë, si dhe implementimin e proceseve pas blerjes.

Në qershor 2022, ai merr pozitën e drejtorit kryesor financiar për A1 Maqedonia dhe A1 Kroacia, dhe vazhdon ta kryejë të njëjtin funksion për A1 Maqedonia nga prilli 2024.

Dejan Zendelov ka një përvojë 20 vjeçare në industrinë e telekomunikacionit, veçanërisht në fushën e funksionimit dhe mirëmbajtjes së rrjetit. Ka punuar për bashkimin e dy operatorëve celularë si dhe për bashkimin e domenit celular dhe atij fiks. Ai ka mbajtur pozicione të shumta në kompani si shef i operacioneve të rrjetit, menaxher i udhëheqjes së shërbimeve dhe menaxher i operacioneve të platformës.

Në prill të vitit 2024, ai mori postin e drejtorit të rrjetit në A1 Maqedonia. Ka studiuar në Universitetin e “Shën Kirili dhe Metodi”, departamenti i telekomunikacionit, ku u diplomua në vitin 1997.

Mladeni ka 17 vjet përvojë në industrinë e telekomunikacionit, specialiteti i tij janë sistemet e TI-së për mbështetjen e biznesit. Ka një kontribut të rëndësishëm në konsolidimin e operatorëve celularë dhe fiks në një operator të telekomunikacionit të konvergjuar. Në vitin 2019, ai merr pozicionin e inxhinierit kryesor për menaxhimin e shërbimeve dhe burimeve, ndërsa në vitin 2021 merr pozicionin e menaxherit të CRM-së, përgjegjës për hartimin, zhvillimin, mirëmbajtjen dhe funksionimin e zgjidhjeve të CRM-së, sistemet e furnizimit, platformat e aktivizimit të rrjedhës së punës, sistemet e fuqisë punëtore, etj. Në vitin 2022, ai bëhet kreu i sistemeve të mbështetjes së biznesit. Nga prilli i vitit 2024 është në pozitën e drejtorit të TI-së dhe shërbimeve të A1 Maqedonia.

Gjorgjioski ka diplomuar në vitin 2008 në fakultetin e elektroteknikës dhe teknologjive informative, ku është diplomuar në shkenca kompjuterike.

Elena është ekonomiste e diplomuar, profesoreshë e diplomuar e gjuhës dhe letërsisë angleze dhe magjistre në menaxhimin e burimeve njerëzore. Ajo e filloi karrierën e saj në ProKredit Bank, ku punoi në disa pozita të ndryshme, duke përfshirë edhe pozita udhëheqëse, pastaj në Vip si pjesë e departamentit të marketingut të produkteve. Më tutje, vazhdoi rrugëtimin e saj të karrierës në Vip si menaxhere e konsumatorëve rezidentë, drejtoreshë marketingu, drejtoreshë e shitjeve me konsumatorë rezidentë dhe drejtoreshë marketingu. Që nga shtatori 2021, ajo mban postin e drejtoreshës së marketingut dhe transformimit dixhital. Ajo mori pjesë në projektet më të rëndësishme të kompanisë, si bashkimi i operatorëve One, Vip dhe Blizoo, si dhe në projektin e ribrendimit në A1. Ajo është bashkëthemeluese dhe anëtare e bordit drejtues të Shoqatës Maqedonase për Përvojën e Përdoruesit dhe Përvojën e të Punësuarve.

Aleksandri e ndërtoi karrierën e tij të suksesshme në telekomunikacion në poste të ndryshme drejtuese. Filloi si menaxher në sallonin e shitjes në vitin 2003, e më pas për shkurt kohë kaloi në pozicionin e mbikëqyrësit të dyqanit dhe në 2009 si menaxher i shitjeve. Ai vazhdoi rrugëtimin e tij të karrierës në pozita drejtuese në kompani të mëdha si Gemak GTS, MEPSO dhe ESM, ndërsa në vitin 2021 bëhet kryetar i bordit mbikëqyrës të ELEM-Trade. Ai vjen në pozitën e drejtorit të shitjeve në A1 Maqedonia në vitin 2021.

Është diplomuar në Universitetin “Shën Kirili dhe Metodi”, në ekonomi politike dhe zhvillim. Ka fituar shumë çmime dhe mirënjohje për lidership dhe motivim, përsosmëri profesionale, simulim të zhvillimit të menaxhimit dhe shumë të tjera.

Stevço përvojën e tij të pasur të punës në telekomunikacion, TIK dhe shitje e fitoi gjatë viteve duke punuar në Telekomin e Maqedonisë në pozita menaxheriale si: drejtor i shitjeve të biznesit dhe drejtor i marketingut dhe shitjeve të biznesit. Ai u bë pjesë e ekipit të A1 Maqedonia në vitin 2019 në pozicionin e drejtorit të marketingut dhe shitjeve B2B, dhe më vonë drejtor i shitjeve B2B dhe TIK.

Është diplomuar në Fakultetin e Inxhinierisë Elektrike në Universitetin “Shën Kirili dhe Metodi" në vitin 1999, departamenti i telekomunikacionit. Ai posedon diplomë MBA nga Universiteti i Shefild-it, si dhe certifikata për arsimim të përfunduar në fushën e menaxhimit strategjik nga Universiteti Erasmus, në Roterdam, Shkolla Evropiane e Menaxhimit dhe Teknologjisë në Berlin, Cotrugly Business School, Zagreb dhe Kellogg School of Management, Çikago.

Ai gjithashtu ka certifikata teknike në fushën e teknologjive të rrjetit, sigurisë kibernetike dhe menaxhimit të projekteve.

Borçeja ka diplomuar në Fakultetin Juridik “Justiniani i Parë” në Shkup në vitin 2007. Ai e filloi karrierën e tij në kompaninë e telekomunikacionit Kosmofon në vitin 2009, si agjent në qendrën e kontaktit. Përparimi i tij është mbresëlënës – tashmë në vitin 2010 ai u bë përgjegjës për ekipin e qendrës së kontaktit, ndërsa në shkurt 2014 ai u bë kreu i qendrës së kontaktit të klientëve në One. Është në pozitën e udhëheqësit të qendrës së kontaktit për përdoruesit e A1 Maqedonia që nga viti 2019. Në prill të vitit 2024 merr pozitën e drejtorit për shërbime ndaj klientëve në A1 Maqedonia.

Stefani e filloi karrierën e tij në vitin 1998, ndërsa tashmë në vitin 2002 u bë pjesë e kompanisë së telekomunikacionit Kosmofon, edhe atë në disa pozicione drejtuese: menaxher i departamentit për kompensim dhe përfitime, burime njerëzore dhe çështje ligjore, administratë, ndërkaq që nga viti 2015 është drejtues i departamentit të burimeve njerëzore. Në vitin 2023, ai qëndroi në krye të kompanisë Leanworks, e cila është pjesë e Grupit A1 Telekom Austria, si drejtor administrativ. Ai e merr postin e drejtorit të njerëzve dhe kulturës në A1 Maqedonia në prill të vitit 2024.

Është diplomuar në vitin 1999 në Fakultetin Ekonomik në Shkup, ndërsa është magjistruar në Fakultetin Filozofik në Shkup në Universitetin “Shën Kirili dhe Metodi". Ai ka shumë mirënjohje dhe certifikata në lidhje me zhvillimin e punonjësve për të shfrytëzuar plotësisht potencialin e tyre të punës, si dhe krijimin e kulturës organizative dhe lidershipit, menaxhimin e ndryshimeve dhe zhvillimin e kapaciteteve të liderëve.