Фишинг
Фишингот е форма на социјален инженеринг и измама, при што напаѓачи наведуваат лица да откријат чувствителни информации или да инсталираат малвер, како што се вируси, или рансомвер. 82% од случаите на нарушување на безбедноста на личните податоци вклучуваат човечки фактор – искористување човечка грешка или однесување со цел да се добие пристап до информации или услуги.
Во А1 Групацијата, се грижиме секогаш и секаде да бидете онлајн. Но, нашата одговорност не застанува тука. Се стремиме нашата мрежа да го збогати вашиот живот но и да минимизираме било какви потенцијални негативни последици. Затоа, некогаш е поважно да запреме за момент и да размислиме. Тоа е замислата зад кампањата „5 секунди“.
Според Европскиот совет, фишингот е најчест првичен метод за напад со рансомвер што се смета за една од најсериозните киберзакани во ЕУ.
Не дозволувајте да ве измамат и искористете ги овие 6 основни совети за да препознаете е-порака за фишинг:
- Проверете ја адресата на е-пошта на праќачот: Која е вистинската адреса?
Можно е добиената е-пошта да не е испратена од изворот што е наведен во потписот. Поставете го курсорот над името на Праќачот за да потврдите дека адресата е вистинска. - Внимавајте на сомнителни врски и детално разгледајте го доменот.
Поставете го курсорот над врската за да потврдите дека е вистинска. Некои домени се обидуваат да ја копираат оригиналната адреса за корисниците да мислат дека адресата на е-пошта е веродостојна, но содржат печатни грешки. - Внимавајте на прилози на е-пораки што привлекуваат внимание или се неочекувани.
Во прилозите може да има малвер. - Понудата е премногу добра за да биде вистинита.
Екстремно атрактивни попусти се користат како мамка. - Е-пораката ви создава чувство на итност преку закана за финансиска загуба или губење на пристапот.
Во вистинските е-пораки обично се користи поучтиво обраќање што не создава чувство на толкава итност. - Внимавајте на печатни грешки или невообичаен збороред.
Дознајте повеќе и тестирајте си ги знаењето и способноста за препознавање е-порака за фишинг преку Квизот за фишинг на А1.*
