Netflix е стриминг услуга која нуди голем број на популарни серии, играни, документарни и анимирани филмови и многу други содржини. Можете да гледате колку сакате и кога сакате, без прекини од реклами. Секогаш можете да откриете нешто ново, бидејќи Netflix додава нови серии и филмови секоја недела!

Netflix преку А1 може да активираат постпејд корисниците на мобилни и фиксни услуги на А1. Притоа, на корисниците достапни им се сите Netflix планови: основен (Basic), стандарден (Standard) и премиум (Premium).

Најпрво активирајте Netflix план преку апликацијата Мојот A1, во продажните салони на А1, или со повик во Контакт центарот на 077/1234. По активацијата на планот ќе добиете SMS порака (за мобилни постпејд корисници) или e-мејл (за фиксни корисници) со уникатен линк кој води кон веб-страницата на Netflix, каде е неопходно да се регистрирате за да ја финализирате активацијата, односно за да ја користите услугата.

За да ја пренесете во А1, не мора претходно да ја откажувате Вашата постоечка корисничка сметка во Netflix. Најпрво активирајте Netflix преку А1 преку апликацијата Мојот A1, во продажните салони на А1, или со повик во Контакт центарот на 077/1234. Потоа ќе добиете линк за регистрација кој води до официјалната веб-страница на Netflix. За да ја задржите Вашата Netflix корисничка сметка, при регистрацијата неопходно е да ги внесете истите кориснички податоци (е-мејл и лозинка) со кои во моментов сте претплатени на Netflix. Откако ќе ја поврзете вашата Netflix сметка преку A1, месечната претплата за Netflix услугата ќе биде додадена во вашата А1 месечна сметка и повеќе нема да ви се наплаќа директно кон Netflix.

ВАЖНА ЗАБЕЛЕШКА: Ако претходно сте платиле за Netflix преку Apple уред, ќе треба да ја откажете претплатата на Apple. Ако не го направите тоа, Apple може да продолжи да ви наплаќа за претплатата на Netflix.

Доколку сте ја активирале услугата Netflix преку А1, месечната претплата за Netflix ќе биде додадена во Вашата А1 месечна сметка. За да не плаќате двојно (преку А1 и директно во Netflix), потребно е да го завршите процесот на регистрација (како што е опишано во точка 4) и да ја поврзете вашата постоечка корисничка сметка на Netflix преку A1. На овој начин, наплатата директно во Netflix ќе биде стопирана и целосно префрлена преку А1.

Можете сами да го менувате Netflix планот преку апликацијата Мојот A1 на вашиот смартфон, таблет или компјутер, преку продажните салони на А1, како и со повик кон Контакт центарот на А1 на 077/1234. Промена на планот може да се направи еднаш месечно.

Во месецот кога сте направиле промена на Netflix планот, ќе ви се наплати пропорционален износ на претплатата на планот кој сте го користеле. На пример: ако во првата половина од месецот сте користеле Стандард план, а во втората половина Премиум план, тогаш ќе ви биде наплатено половина претплата за Стандард, плус половина претплата за Премиум планот.

Ако ја откажете претплатата на Netflix преку А1, ќе се случи следното:

Доколку претходно сте имале корисничка сметка на Netflix која сте ја поврзале преку А1 и сега сакате да ја откажете вашата претплата преку A1, вашата Netflix сметка и понатаму ќе биде достапна, но ќе се наплатува директно во Netflix.

Доколку сте активирале Netflix преку A1 без претходно да имате корисничка сметка на Netflix, со откажување на претплатата преку А1, Вашата корисничка сметка на Netflix ќе биде деактивирана.

Ако поврзете погрешна корисничка сметка со вашиот А1 пакет, контактирајте ја поддршката за корисници на Netflix help.netflix.com. На линкот кој ќе го добиете од Netflix, ќе треба повторно да се регистрирате и да ја внесете точната е-мејл адреса за која досега плаќавте директно во Netflix, a која сакате и понатаму да ја користите, но сега да плаќате преку А1.

Ако не го знаете е-мејлот со кој претходно сте се регистрирале на Netflix, проверете ги информациите (е-мејл и лозинка) со кои сте најавени на уредот каде што претходно веќе сте користеле и гледале Netflix. Информациите Ви се достапни во менито на апликацијата Netflix, во опцијата “Account”. Ако не можете да ги најдете овие информации, контактирајте ја поддршката за корисници на Netflix на следниот линк www.netflix.com/loginhelp.

Доколку не ја знаете е-мејл адресата на со која сте се најавиле на Netflix, најпрво проверете дали можете да ја видите на уредот каде што претходно веќе сте користеле и гледале Netflix. Информациите Ви се достапни во менито на апликацијата Netflix, во опцијата “Account”. Доколку и таму не можете да ја најдете Вашата е-мејл адреса, можете тоа да го направите преку апликацијата Мојот А1. Кликнете на копчето “Заборавена е-мејл адреса?” и следете ги чекорите.

Netflix е достапен на уреди кои имаат пристап до интернет, како што се смарт-телевизори, смартфони, компјутери, конзоли за игри и таблети. Целосниот список можете да го видите на https://devices.netflix.com/

Можете да гледате Netflix на онолку уреди колку што вклучува Netflix планот кој сте го активирале.

За да извршите промени во Вашата корисничка сметка на Netflix посетете го следниот линк netflix.com/ каде Ви се достапни следните можности:

• Поставување родителска контрола
• Прилагодување на поставките и преводите
• Ажурирање на Вашите детали за најавување на Netflix
• Промена на јазик
• Управување со профилите на Netflix?

За поддршка или повеќе информации за функциите на Netflix, посетете го Центарот за помош на Netflix

Netflix соработува со добавувачи, дистрибутери, продуценти и креатори за да добие лиценца за пренос на содржини. Ако некоја конкретна содржина ја нема на Netflix, тоа би можело да биде од неколку различни причини, односно правата за стриминг да не се достапни за купување или правата да ги поседува друга компанија. Netflix постојано го збогатува изборот на содржини, без однапред одреден распоред.

Посетете ја https://help.netflix.com за помош и контакт.