А1 Менаџмент

Методија Мирчев ја започна својата кариера во FMCG индустријата во Полска извршувајќи раководни позиции во неколку меѓународни компании. Пред да премине во телеком индустријата, тој имаше извршна позиција во Лореал Полска.

Во 2005 година е именуван за раководител за продажба во Космофон, а две години подоцна станува главен комерцијален директор. Во 2011 година е именуван за директор на продажба и маркетинг во One, а во 2013-та е промовиран во извршен член на Бордот на директори како главен оперативен директор.

Методија магистрирал на Технолошкиот факултет во Варшава, а поседува MBA-дипломи од неколку престижни бизнис-школи како London Business School, HEC Paris и NHH Norway.

На позицијата извршен директор на А1 Македонија е назначен во јануари 2020 година, а во април 2024 година е унапреден на позицијата генерален извршен директор.

Горан Анѓелески својата успешна кариера ја започна во Македонски телеком во 2006 година. Една година подоцна стана дел од тимот на А1 Македонија, односно тогашниот Вип оператор. Тој брзо ја гради својата кариера во компанијата преку повеќе менаџерски позиции во финансискиот сектор, но и како член на клучниот тим за аквизиција и интеграција на третиот мобилен оператор и повеќе кабелски оператори на македонскиот пазар, како и имплементација на процесите по аквизицијата.

Во јуни 2022 година доаѓа на позицијата главен директор за финансии за А1 Македонија и А1 Хрватска, а истата функција продолжува да ја извршува за А1 Македонија од април 2024.

Дејан Зенделов има 20-годишно искуство во телекомуникациската индустрија, особено во делот на операции и одржување мрежа. Работел на спојувањето на двата мобилни оператори како и на спојувањето на мобилните и фиксни домени. Во компанијата има извршувано повеќе функции како раководител на мрежни операции, менаџер за управување со услуги и менаџер за операции на платформи. Во април 2024 година ја презема на позицијата директор на мрежа во А1 Македонија.

Студирал на Универзитетот„ Св. Кирил и Методиј“, отсек телекомуникации, каде што дипломирал во 1997 година.

Младен има 17-годишно искуство во телекомуникациската индустрија, негова специјалност се ИТ-системите за бизнис-поддршка. Значителен придонес има во консолидацијата на двата мобилни оператора и фиксните оператори во еден конвергентен телекомуникациски оператор. Во 2019-та ја презема позицијата на главен инженер за управување со сервиси и ресурси, а во 2021-та доаѓа на позицијата менаџер за CRM, одговорен за дизајн на решенија, развој, одржување и операции на CRM, системи за провизионирање, активациски платформи workflow, workforce системи итн. Во 2022-та станува раководител на системи за бизнис-поддршка. Од април 2024 година е на позицијата директор за ИТ и сервиси на А1 Македонија.

Ѓорѓиоски дипломира во 2008 година на Факултетот за електротехника и информациски технологии, каде што се стекнува со диплома за компјутерски науки.

Елена е дипломиран економист, дипломиран професор по англиски јазик и книжевност и магистер на менаџмент на човечки ресурси. Кариерата ја започнува во ПроКредит банка каде што работи на повеќе различни позиции, вклучувајќи и раководна, потоа во Вип како дел од секторот Продукт маркетинг. Кариерниот пат во Вип го продолжува како менаџер за резидентни корисници, маркетинг директор, директор за продажба за резидентни корисници и маркетинг директор. Од септември 2021 година е на позицијата директор за маркетинг и дигитална трансформација. Учествувала во најзначајните проекти во компанијата како спојувањето на операторите One, Вип и Blizoo, како и проектот за ребрендирање во А1. Таа е соосновач и член на Управниот одбор на Македонската асоцијација за корисничко искуство и искуство на вработени.

Стевчо своето богато работно искуство во телекомуникации, ИКТ и продажба го стекнува низ годините работејќи во Македонски телеком на раководни позиции како директор за бизнис-продажба и директор за маркетинг и бизнис-продажба. Станува дел од тимот на А1 Македонија во 2019 година на позицијата директор на B2B маркетинг и продажба, а подоцна директор на B2B и ИКТ-продажба.

Дипломира на Електротехничкиот факултет на Универзитетот „Св. Кирил и Методиј“ во 1999 година, отсек телекомуникации. Поседува МБА-диплома од Универзитетот Шефилд, како и сертификати за реализирани едукации од областа на стратегиски менаџмент од Универзитетот Еразмус, во Ротердам, European School of Management and Technology во Берлин, Cotrugly Business School, Загреб и Kellogg School of Management, Чикаго.

Поседува и технички сертификати од областа на мрежни технологии, сајбербезбедност и проектен менаџмент.

Борче дипломирал на Правниот факултет „Јустинијан Први“ во Скопје во 2007 година. Својата кариера ја почнува во телекомуникациската компанија Космофон во 2009 година како агент во Контакт центарот. Неговиот напредок е импресивен – веќе во 2010 година станува одговорен за тимот во Контакт центарот, а во февруари 2014 година станува раководител на Контакт центарот за корисници во One. На позицијата раководител на Контакт центарот за корисници на А1 Македонија е од 2019 година. Во април 2024 година доаѓа на позицијата директор за кориснички услуги на А1 Македонија.

Стефан својата кариера ја започнува во 1998 година, а веќе во 2002 година станува дел од телекомуникациската компанија Космофон, и тоа на неколку раководни позиции: менаџер на одделот за Надоместоци и бенефиции, Човечки ресурси и правни работи, Администрација, а од 2015 година е раководител на одделот за човечки ресурси. Во 2023-та застана на чело на компанијата Leanworks, која е дел од Групацијата А1 Телеком Австрија, како управен директор. Функцијата директор за луѓе и култура во А1 Македонија ја презема во април 2024 година.

Дипломирал во 1999 година на Економскиот факултет во Скопје, а својата магистерска диплома ја добива на Филозофскиот факултет во Скопје при Универзитетот „Св. Кирил и Методиј“. Поседува многу признанија и сертификати поврзани со развој на вработените заради целосно искористување на нивниот работен потенцијал, како и етаблирање на организациската култура и водство, управување со промени и развојот на капацитетите на лидерите.